Hollandsdvölin

nokkrar teikningar eftir litla snillann okkar :)

2008-10-07T00:11:00.000-07:00

nenni ekki að spá í ástandinu heima og í heiminum, ætla frekar að reyna að hugsa um jákvæða hluti. Sérstaklega litlu hlutina, þessa hversdagslegu í kringum okkur. Styrmir er með algjört sköpunarútstreymi þessa dagana. Bæði í teikningum eins og hér má sjá og svo líka í byggingu turna, garða, virkja og allskonar bygginga. Við keyptum nefnilega handa honum um daginn kubba sem eru algjör snilld. Viðarkubbar sem heita "Kapla" þetta voru ca 400 stykki og allir kubbarnir eru jafn stórir og gefa mikið frelsi. Ætla að fara að festa á filmu virkin hans og pósta fljótlega, en í dag eru það teikningarnar.

nokkrar myndir af fríinu í Amsterdam og afmælisdeginum hans Styrmis

2008-08-19T14:37:00.000-07:00

Erum búin að eiga frábært sumarfrí hérna í Hollandi, höfum farið í nokkrar stuttar ferðir, Amsterdam, Efteling skemmtigarðinn, Utrecht og fleira, aðallega bara slappað af saman.

Elsku Styrmir stóri og Hneta Rós, innilega til hamingju með litlu prinsessuna.

2008-08-19T08:00:00.000-07:00

HANN Á AFMÆLI Í DAG...

2008-07-01T04:37:00.000-07:00

TIL HAMINGJU MEÐ STÓRAFMÆLIÐ PABBI MINN

lokaverkefnið

2008-07-01T04:27:00.000-07:00

Ég er að hanna framhaldsskóla "grammar school" í norðurhluta Amsterdam.
Módel eru mjög mikið notum, á öllum skölum í stúdíóinu mínu og hef ég þróað mest allt verkefnið í gegnum módel,
hér eru nokkur dæmi úr verkefninu, fyrst er massamódel í 1:500, næst er módel í 1:200 þar sem ég gerði alla bygginguna og svo eru módel innúr kennslustofu og gangi á kennslustofu sem ég gerði í 1:50 og 1:33.
Ég hef aldrei gert eins mikið af módelum á ævinni og húsið mitt er að fyllast af þeim.

sumarfrí...á miðvikudag

2008-06-30T14:11:00.000-07:00

jæja, held það sé komin tími á að setja inn nokkrar línur, hef allavega ekki afsökun lengur um að allt sé á milljón skrilljón.
Ég er búin með stúdíóið, kláraði á föstudaginn og það gékk mjög vel. Ég er ótrúlega sátt við þessa önn, frábærir kennarar og góður bekkur og auðvitað skemmtilegt verkefni. Ég var semsagt að ljúka við P2, sem þýðir að ég er hálfnuð með lokaverkefnið. Hönnunin á skólanum er samt komin frekar langt og næsta önn fer í að stúdera efni, vistvæni, strúktúr, deili og þess háttar. Mér finnst frábært að fara svona vel ofaní verkefni og held maður læri alveg helling á þessu. Þetta er samt alveg búið að vera mjög strembið og mikil keyrsla en samt skemmtileg keyrsla. Við byrjuðu 17 í febrúar en erum 12 sem höldum pottþétt áfram í haust, tveir fengu sumarið til vinna og verða svo metnir í enda þess hvort þeir fá að halda áfram eða ekki. Mér finnst bekkurinn vera mjög góður og maður lærir alveg mjög mikið af krökkunum. Flestir eru hollenskir en við erum 4 útlendingar þarnar.
Ég er alveg að komast í frí er bara að klára síðustu ritgerðina mína og skila henni á miðvikudaginn, held þetta verði nú ekki besta ritgerðin sem ég hef gert, á frekar erfitt með að sitja við núna.
Svo erum við að koma heim 6-13 júlí. Hlökkum ótrúlega mikið til að sjá ykkur öll og vonandi náum við aðeins að upplifa náttúruna í líka. Langar mjög að komast allavega einn dag út úr bænum.
Styrmir er að fara í aðlögun í skólann á fimmtudaginn, ég fer með hann 8.30 og sæki hann aftur 12, mjög spennt að vita hvernig þetta verður. Allt nýir krakkar og kennari og umhverfi.
Læt þetta duga í bili, ætla niður að horfa á mynd með Kára og Daníel ( frænda Kára frá Englandi, er í heimsókn þessa dagana, mjög gaman að hafa hann hjá okkur, Styrmir sérlega glaður með þetta).
góða nótt og ég lofa að vera núna duglegri að skrifa.

16.03.08

2008-03-16T14:44:00.000-07:00

Allt gott að frétta af okkur familiunni.
Erum búin að vera í rólegheitum um helgina, stundum gott að hanga bara heima og púsla, lesa og horfa á sjónvarpið. Veðrið heldu ekkert spes til að vera úti í. Styrmir er svo ótrúlega púsl óður, getur bara púslað út í eitt og alveg erfið púsl. Mér finnst hann auðvitað svo rosalega duglegur í öllu :0)
Ég er mjög ánægð með stúdíóið mitt, finnst ég eiginlega vera komin í annan skóla. Núna er ég sko komin í deildina sem ég á heima í... áherslan í arkitektúr passar vel við mínar pælingar. Ég held samt að það hafi verið góð reynsla að hafa farið í gegnum fyrsta árið í deild sem var svo ólík því sem ég þekkti. Maður lærir líka mikið á því að kynnast nýjum hliðum... en samt æðislega gott að vera komin heim aftur :-)
Við erum að vinna á mörgum skölum í einu... bæði að þróa hugmyndina útfrá skipulagi og lóð en einnig að hugsa um rými inní skólanum, ég er t.d. núna að hanna kennslustofu í 1:33, gera módel stúdera lýsinguna, hlutföllin, efni og aðrar upplifanir. Það er rosalega mikið að gera því fyrir utan stúdíóið eru líka theory og research tímar, maður þarf að skipuleggja tíman vel til að ná að halda planinu. En þetta er semsagt bara gaman gaman...
Læt fylgja með myndir sem voru teknar um daginn við lóðina sem ég er að hanna á.

p.s. Mæja mín til hamingju með afmælið... pakki er á leiðinni ! ertu á landinu?

Nýlegar teikningar eftir Styrmi Mána

2008-03-12T14:27:00.001-07:00

Honum finnst skemmtilegast að teikna fólk, dýr og skrímsli. Ég hef reynt að vekja áhuga hans á byggingum en hann er allavega ekki að fíla það á þessu stigi, það kemur kannski seinna....eða hann er bara alveg eins og pabbi sinn :0)

Back to School

2008-02-07T12:17:00.000-08:00

Skólinn byrjaður :0)

Stúdíóið og lokaverkefnið mitt sem mun taka eitt ár (í það minnsta) heitir "Back to School" þar sem ég mun hanna skólabyggingu í
Amsterdam Noord. Mér líst rosa vel á kennarann og bekkurinn virkar líka vel á mig. Við erum að fara á morgun í fyrstu ferðina okkar til Amsterdam til að rannsaka og skoða hverfið. Við fáum reyndar að velja um 7 lóðir í þessu hverfi fyrir verkefnið okkar. Vona að ég fá hugboð á einhverri þeirra sem segir ..veldu mig...en það kemur í ljós.
Svo var ég í dag í fyrsta theoríu tímanum mínum, vóoo þá var það algjörlega staðfest að ég er byrjuð aftur í skólanum. Held reyndar að theorian verði bara skemmtileg núna þar sem maður er aðeins komin inní þetta.. allavega pínu.
Kári í Þýskalandi á sýningu og að mér heyrist á honum að allt gangi bara vel. Okkur Styrmi hlakkar mikið til að fá hann aftur heim. Mamma og Björg eru reyndar hjá okkur núna. Frábært að hafa þær hérna og svo eru þær líka duglegar í bænum :0). Eru alveg að fíla hollensku tískuna. Ég veit ekki alveg hvað grannarnir halda um okkur Íslendingana hahaha.
Jæja læt þetta duga úr vorveðrinu hérna í Hollandi og bestu kveðjur á KLAKANN þar sem mér sýnist allt vera að verða vitlaust.

ARCO dagurinn

2008-01-30T13:50:00.000-08:00

Við fengum í dag "Arco" lampann eftir Castiglioni bræður, hannaður 1962.
Ég hef dreymt um þennan lampa síðan við vorum á Ítalíu og nú bara trúi ég ekki mínum eigin augum þegar ég horfi inn í stofu :-) ekkert smá gaman veieieieieieie

Naturalis

2008-01-21T12:18:00.000-08:00

Við erum komin aftur heim til Hollands eftir skemmtileg jól og áramót á Íslandi.
Ég og Styrmir erum búin að liggja í flensu í tvær vikur. En loksins er komið á eðlilegt líf hérna. Styrmir farin að leika aftur með Axel, Patrik og hinum vinum sínum á leikskólanum.
Skólinn minn byrjar í næstu viku og þeirri tilhugsun fylgja kokteill af tilfinningum, spenna, gleði og líka smá stress.
Kári alltaf með nóg af verkefnum og svo fer hann til Þýskalands í næstu viku á árlega leikfangasýningu.

Mér finnst það alveg frábært hvað Hollendingar eiga mikið af fínum opinberum byggingum og svæðum sem eru að virka vel og þjóna almenningi. Það eru endalaus söfn og sýningar, skemmtanir og fróðleikur af ýmsu tagi sem hægt er að upplifa og sem þjónar öllum. Maður hefur um fleira að velja en að fara í Kringluna, Smáralind eða Húsdýragarðinn.
Við fórum t.d. um daginn á safn sem heitir "Naturalis" og er í bæ sem heitir Leiden, c.a 15-20 mín akstur frá Delft. Þetta er náttúrugripasafn og ég hef bara aldrei séð eins flott náttúrugripasafn og þetta. Safnið er á 5 hæðum og á hverri hæð tók við nýtt rými sem kom manni skemmtilega á óvart. Byggingin hafði mikla dýpt og opnun milli hæða þannig að maður sá dýrin og beinagrindur frá mörgum vinklum. Svo var bara ótrúlega skemmtilega unnið með konseptið og mikið gert til að virkja gestina í leiki og taka þátt í sýningunni. Ég vildi óska að metnaðurinn og áhuginn væri meiri á Íslandi í þessum efnum. Læt fylgja með nokkrar myndir úr safninu. Risaeðlur og önnur dýr eru líka í algjöru uppáhaldi hjá Styrmi og það var alveg frábært að fylgjast með honum þarna inni.

iGOOGLE HOLIDAY THEME !!!

2007-12-19T01:20:00.000-08:00

LOKSINS LOKSINS ER ÞAÐ KOMIÐ...
KÍKIÐ INNÁ GOOGLE BLOGGIÐ

Kári gerði þetta Holiday Village Theme fyrir google. Þetta er í allt 13 myndir sem breytast á 2 tíma fresti yfir sólarhringinn... þrettánda myndir er klukkan 3.14 á nóttinni sem er eins konar surprise mynd... þannig að ef þið eruð að vaka.. tékkið á henni.
Þetta er fyrir þá sem nota iGoogle og þar er hægt að velja um mismunandi þemu sem eru efst á síðunni, þessi heitir Holiday Village. Hann er líka að vinna að fleiri svona þemum fyrir þá, en það kemur seinna.

Allt annars í góðum gír hérna, hlökkum mikið til að koma heim á laugardaginn. Ég ætla að skila inn RITGERÐINNI á morgun, sem er að verða að stórri bók.
Styrmir ótrúlega spenntur þessa dagana, vaknar upp á nóttunni til að ath. með skóin og fær líka alltaf eitthvað fallegt enda svo góður strákur :-)

GLEÐILEG JÓL OG FARSÆLT KOMANDI ÁR

Kari fer og Hildur kemur !

2007-10-24T05:22:00.000-07:00

jæja, þá er það staðfest, Kári er að fara í VINNUFERÐ til Íslands eftir viku, frá 31.10 - 08.11 ;-(
en okkur Styrmi til mikillar ánægju ætlar Hildur frænka að heimsækja okkur á meðan. Hlökkum til að fá þig Hildur :-)

Styrmir í gervi sem Pétur pan

sirkus og fleira

2007-10-22T13:05:00.000-07:00

Skrítið að kveikja á fréttunum í gær og sjá pabba í sjónvarpinu, fannst hann standa sig vel en vááá hvað ég væri ekki að meika að hafa alltaf einhverja andstæðinga að reyna að eyðileggja og skemma það sem maður er að vinna hart að. Ég gæti ekki lifað í svona pólítíku umhverfi alla daga... en... you gooooo dad :-)

Annars erum við búin að taka því ótrúlega rólega eftir að við komum frá París, voru doldið þreytt eftir ferðina og höfum því mest verið heima að læra og vinna. Ritgerðin gengur ágætlega, ég er að mjakast í 8000 orðin af ca. 13000. Kári að vinna fyrir Mind og er líka að vinna að jóladagatali sprotanna sem verður skemmtileg saga sem allir ættu að fylgjast með...segi meira frá henni seinna. Annars var Mind á síðum blaðanna í síðustu viku, þar sem þeir voru að tilkynna nýju barnatölvuna sem þeir voru að hanna "fyrstu barnatölvuna" og Kári átti stóran þátt í þeirri hönnun. Styrmir stuð er í góðum gír, er að fara yfir á stærstu deildina í leikskólanum í næsta mánuði og er bara spenntur fyrir þeim breytingum. Við enduðum helgina á að fara í skemmtilegan Sirkús í Den Haag með íslensku pari, þeim Jóhönnu og Jóni Ágústi og dóttur þeirra henni Anítu Eik sem er einmitt jafngömul Styrmi. Þau voru algjörar dúllur og eiga örugglega eftir að leika sér meira saman. Hér eru nokkrar myndir af þeim.

PARIS OG DISNEYLAND

2007-10-16T13:48:00.001-07:00

Þriggja tíma lestarferð frá Rotterdam til Parísar, algjörlega frábær ferðamáti. Skoðuðum okkur um í borginni, Kári keypti sér ART fígúru frá mömmu, borðuðm bestu pítsuna síðan við bjuggum í Florence, sáum Louvre og Pompidou og æðislegar sýningar þar inni og enduðum á Disneyhótelinu um kvöldið. DAUÐÞREYTT. Styrmir var þá komin með eyrnabólgu og sem betur fer var læknir á svæðinu sem reddaði pensilíni strax og hafði þetta ekki frekari áhrif á skemmtilega ferðalagið.

Þessi dagur var algjörlega tileinkaður Disney. Vorum mætt þegar garðurinn opnaði í dularfullri þoku sem passaði ótrúlega vel við þema garðsins í augnablikinu "halloween" en svo fór sólin að skína þegar leið á dagin. Bósi ljósár átti upplifun dagsins hjá okkur öllum, alveg frábært tæki og var því varningurinn sem keypur var aðallega Bósadót.

Tékkuðum okkur út af Disneysvæðinu og héldum inn í París á ný. Upplifun dagsins hjá mér var algjörlega Branly safnið hans Jean Nouvel, var að fíla það í tætlur, garðurinn geggjaður og maturinn þar frábær. Styrmi tókst reyndar að detta á hausinn þar inni beint á steingólf og allir fengu vægt sjokk en það reyndist ekkert alvarlegt, fékk samt hressilega kúlu eftirá.

Enduðum ferðina á Sacré Coeur kirkjunni, geggjað útsýni þaðan og markaður fyrir utan og mikið líf og fjör.

afmæli afmæli afmæli...Paris

2007-10-10T01:36:00.000-07:00

Elsku Hildur til hamingju með afmælið, vonum að þú eigir góðan dag.

Kári minn átti afmæli í gær. Dagurinn var reyndar bara venjulegur vinnudagur en svo kom Una og borðaði með okkur um kvöldið. Ég eldaði hrikalega góða fiskisúpu, þótt ég segi sjálf frá og svo var auðvitað piparmyntukakan í eftirrétt.

Við ætluðum til Parísar um síðustu helgi en eins og áður hefur gerst varð Styrmir veikur á síðustu stundu. Ekki skemmtilegt, sérstaklega þegar maður er búin að skipuleggja allt og pakka, en strákurinn var fljótur að ná sér og við ætlum að skella okkur til borgarinnar rómantísku í fyrramálið.

Vona að næsti póstur sem ég skrifa verði um Parísarferð...

September að ljuka

2007-09-30T13:10:00.000-07:00

Rosalega líður tíminn hratt, mér finnst september bara hafa flogið. Eins gott að maður nýti tíman vel. Ég er komin vel á leið með ritgerðina. Svo er ég mikið búin að vera að hugsa um hvað skal velja á næstu önn því það val er fyrir eitt ár, semsagt lokaverkefnið. Ég er búin að fara í marga hringi þar sem deildirnar eru nokkrar sem hægt er að velja úr og allar með ólíkar áherslur. Ég hef farið á fyrirlestra hjá Interior deildinni, sem er samt ekki interior hönnun heldur fást við meðalstórar opinberar byggingar. Ástæðan fyrir nafninu er tengd nálgun deildarinnar, þar sem rýmisupplifanir og hönnun innanfrá og út er oft notuð. Þeir fyrirlestrar hafa verið æðislegir og loksins heyri ég tungumál sem ég skil þar sem innsæi og tilfinningar hafa eitthvað að segja. Tony Fretton var t.d. með mjög góðan fyrirlestur í síðustu viku um Louis Kahn. Svo hef ég verið að fara í heimspekitíma hjá manni sem heitir Patrick Healy sem eru alveg æðislegir. Þeir tilheyra líka þessari sömu deild. Þar er aðal viðfangsefnið Phenomenology og perception. Ætla að reyna að plata Kára með mér næst, held að hann mundi hafa gaman að þessu líka. Í síðasta tíma var hann að tala um Gestalt psychology. Jæja en nóg um mig og skólann.
Þar sem við erum búin að lengja dvölinni hérna úti þarf Styrmir að fara í skóla næsta haust. Já hérna líkur leikskólanum þegar krakkarnir eru 4 ára og skólinn tekur við. Ohhhmæ vona að þetta verði allt í lagi. Við fórum í síðustu viku að skoða einn skólann hérna rétt hjá okkur og pöntuðum tíma til að fá frekar upplýsingar. Styrmir kom með og okkur leist öllum rosa vel á, en við ætlum samt að skoða einn annan áður en við ákveðum þetta. Þetta verða pottþétt mikið viðbrigði en miðað við hvað vel gékk fyrir hann að aðlagast leikskólanum vona ég að þetta eigi eftir að ganga vel líka.
Kári er að drukna í vinnu og eiginlega ekkert lát á því á næstunni. Reynum nú samt alltaf að skipuleggja tíman svo að það sé líka tími fyrir okkur öll saman. Fórum aðeins til Den Haag um helgina og okkur fannst eiginlega jólastemmning vera komin, allavega vorum við í svoleiðis fíling, hummm frekar snemmt en so what. Læt þetta duga í kvöld, góða nótt.

Batavia-Almere-Rotterdam

2007-09-16T12:06:00.000-07:00

Við byrjuðum helgina á að sækja Túra frænda uppá flugvöll á laugardagsmorgun í sól og blíðu, þaðan keyrðum við að skoða frægt skip sem heitir The Batavia, upprunalega skipið var reyndar frá 1629 og sökk við strendur Ástralíu og fórust 341 manns en þetta skip var endurbyggt 1985, mjög gaman að skoða það og Styrmi fannst þetta sko ekta sjóræningjaskip. Ummm svo kom það mjög skemmtilega á óvart að við skipið var lítill sætur verslunarkjarni, eiginlega bara lítið þorp með fulllllt af flottum búðum og outletum.... ég á sko eftir að skoða það betur seinna. Svo í baka leiðinni stoppuðum við í Almere, borgin er algjörlega nýbyggð og með fullt fullt fullt af flottum og áhugaverðum nýbyggingum, ég þarf að fara að skipuleggja dagsferð þangað fljótlega. En frábært að fá smjörþefinn af því sem hægt var að sjá þar. Í dag fórum við í dýragarðinn í frábæru veðri, sól og 20+ stiga hiti, sýndum Túra Okapi, gíraffana og öll hin dýrin, svo fórum við niður á bryggju í Rotterdam og tókum vatnataxa yfir á eyju þarna rétt fyrir utan, þar sem við borðuðum jammi góðan mat á Hotel New York og svo lék Styrmir sér þar á bryggjunni, sem er rosalega skemmtilega hönnuð. Læt fylgja með nokkrar myndir af þessari frábæru helgi.
Ég fór á fimmtudaginn og hitti sögukennarann minn í fyrsta sinn og var að bera undir hann ritgerðarefnið mitt og hann var mjög áhugasamur og spenntur, þannig að nú set ég loksins í næsta gír og fer að lesa og skrifa. Svo á föstudaginn fór ég á tvo fyrirlestra uppí skóla sem var mjög áhugavert. Á föstudagskvöldið var svo svokölluð ÞJÓÐHÁTÍÐ, þar sem fullt af íslendingum (15-20 manns) komu saman í húsinu hennar Unu og héldum veislu.
Jæja, læt þetta duga í kvöld :-)

11.09.07

2007-09-11T01:49:00.000-07:00

Villi, Benný, Viktor og Svanur til hamingju með nýja fjölskyldumeðliminn :-)

Styrmir (stóri) og Hneta eru búin að vera í heimsókn, fóru svo til Amsterdam í gær og ætla að vera þar í 2 daga áður en
þau fljúga aftur til Íslands. Við áttum æðislega daga saman og Styrmir (litli) var að fíla þau í tætlur.

Ég og Kári byrjuðum að skokka í morgun. Ekkert smá gott að koma sér af stað, ég var að fá mér svona fína nike skó og
skynjara eins og Kári hefur verið með, þannig að eftir skokkið fékk ég ýmsar upplýsingar eins og tíma, brennslu og fleira.
http://www.apple.com/ipod/nike/

sumarfriið buið

2007-09-03T12:22:00.000-07:00

jæja, þá er alvaran að taka við aftur eftir frábært sumar. Íslandsferðin var mjög skemmtileg. Æðislegt að hitta fólkið sitt og sjá landið. Styrmir varð 3 ára 9.ágúst og það breytti öllu. Hann orðin ótrúlega stór og STILLTUR strákur :-)
Nú er allt að komast í rútinu aftur og það er líka bara gott. Mér finnst samt svolítið skrítið að vera ekki að byrja í stúdiói og með allt á fullu, en ég (ásamt fjölskyldunni) tók þá ákvörðun að nota þessa önn til að skrifa stóra söguritgerð, fer reyndar í einn theory kúrs líka, en svo bara að lesa, fara á fyrirlestra og aðeins að anda og njóta Hollands. Með þessu er ég semsagt að seinka náminu um 1 önn. Held þetta verði barasta frábærlega skemmtileg önn.

Ísland here we come...

2007-07-31T13:45:00.000-07:00

Förum heim til Íslands á morgun, veieieieiei
Verðum á klakanum til 19.ágúst

Sjáumst á besta landi í heimi :-)

siðustu dagar...

2007-07-24T12:28:00.000-07:00

Það er sko búið að vera nóg að gera síðan við komum frá Mallorca. Daginn eftir héldum við íslenska humarveislu fyrir Unu, Ren og Hendrik, það var borðað, drukkið og talað fram á nótt, rosa gaman. Loksins smá veisla í kotinu. Svo næsta dag kom Rósalind í heimsókn. Hún stoppaði í viku, fór aftur heim á sunnudaginn. Við fórum í bæinn, hjólreiðartúr, dýragarðinn og fleira skemmtilegt. Það reyndar setti strik í reikninginn á Styrmir fékk broncitis á miðvikudaginn og var með ferlega erfiðan andardrátt og ljótan hósta og átti erfitt með að sofa og svona. Þetta er samt allt að koma núna hjá honum, svaf vel í nótt og lyfin greinilega farin að virka, hann verður orðin fínn þegar við komum heim í næstu viku. Í gær vorum við svo með matarboð fyrir skólafélaga Kára úr Ölduselsskóla. Stjáni býr tímabundið í Rotterdam með fjölskylduna sína og Smári og kærastan hans komu í stutta heimsókn. Þetta var voða gaman og Styrmi þótti prinsessudúkkurnar sem stelpurnar hans Stjána komu með ansi spennandi.
Veðrið er ekkert að batna hérna, bara meira og minna rigning alla daga.

Styrmir og Flipper

2007-07-17T12:35:00.000-07:00

Hér eru nokkrar myndir af
Styrmi þegar hann hitti höfrunginn í Marineland í Palma. Þeir áttu smá "moment" eins og sjá má :) Priceless!
(smellið á myndirnar til þess að stækka)

MALLORCA

2007-07-16T01:53:00.000-07:00

Eftir próftörnina og þá staðreynd að rigningin hérna ætlar ekki að hætta tókum við skyndiákvörðun og skelltum okkur til Mallorca með eins dags fyrirvara. Fórum í vikuferð í sólina og hún var algjört æði. Frábært hótel, strönd, sól og það mikilvægasta að við vorum saman í fríi fjölskyldan. Það fyrsta sem Styrmi fannst skrítið við staðinn voru þessir
RISA ANANASAR ÚT UM ALLT

Hann vildi helst vera bara í sundlauginni allan tímann, var ótrúlega kaldur að synda og stökkva útí, við foreldrarnir voru eiginlega bara fyrir honum.

Svo fór hann á hestbak á hverju kvöldi fyrir utan hótelið. Hann byrjaði á litlum pony hest en var fljótlega farinn að biðja um að fá stærsta hestinn og sagði tja tja tja eins og kúrekarnir.

Svo hér koma bara nokkrar myndir í viðbót úr ferðinni. Semsagt frábært ferð í alla staði og við endurnærð eftir þetta.

EITT PROF BUIÐ VEIEIEIIEI

2007-06-22T10:44:00.000-07:00

Þá er eitt af þremur búið, helgin fer í að gera deili og svo hefst lesturinn áfram á mánudaginn.

Eins og ég var búin að segja hefur rignt ansi mikið hérna undanfarna daga en samt hlýtt og sólin kemur svona inná milli. Á miðvikudaginn nýttum við okkur einmitt góða veðrið og fórum á uppáhaldsveitingarstaðinn okkar hérna þegar Styrmir var búinn í leikskólanum. Staðurinn er í sveitinni þar sem við förum oftast að hjóla. Æðislegur staður, góður matur og fullt af dýrum sem skemma nú ekki stemmninguna, sérstaklega ekki fyrir þeim stutta.

Het land van Ooit

2007-06-20T03:38:00.000-07:00

Um síðustu helgi fórum við í skemmtigarð sem heitir "Het land van Ooit" og það var rosalega gaman. Leikskólinn hans Styrmis bauð öllum vegna afmælis skólans. Þannig að þar hitti hann vini sína og leikskólakonurnar. Það fannst honum mjög mikið sport. Þessi garður er með svona kastala, prinsessu, risa og riddaraþema. Risastór leikvöllur og fullt af útileikhúsum. Merkilegast þótti Styrmi af sjá leikrit þar sem riddaranir voru að berjast á hestum... var eiginlega smá sjokkeraður yfir þessu held ég. Allavega frábær dagur.

17.júní var hins vegar bara rólegur heimadagur. Styrmir greyið kominn með eyrnabólgu og hita en samt alveg orkumikill.
Hér átti að fylgir með smá 17.júní videokveðja frá honum en mér tókst ekki að finna út hvernig það er gert.

Hann er allur að hressast, fór í leikskólann í morgun og ekkert smá glaður með það.

Veðrið hérna hefur hins vegar verið svolítið skrítið síðan ég kláraði studióið, hélt ég væri að detta inní sól og sælu, en það hefur hins vegar rignt ansi mikið síðustu daga en samt er mjög heitt og sólin kemur inná milli, svona óútreiknanlegt veður.

Yaprak kom i heimsokn

2007-06-15T12:16:00.000-07:00

Yaprak vinkona okkar var hjá okkur í apríl. Það var voða gaman að hafa hana enda höfðum við ekki hist í 5 ár.
Hún og Kári voru saman í bekk í Danmörku. Hér eru nokkrar myndir frá þessu tímabili

Studioverkefnið i stuttu mali

2007-06-14T11:38:00.000-07:00

Tók saman í mjög stuttu máli verkefnið mitt. Snérist frá byrjun um 3 ólík hreyfikerfi sem komu útfrá modelinu, önnin fór
aðallega í að reyna að þróa modelið yfir í byggingu og tengja að sjálfsögðu prógramminu. Diagrammið og planið sýna efri hluta byggingarinnar sem er á 3 levelum, þar sem bókahillurnar eru meðfram loopunni (áttunni) og lesrýmin (public rými) eru svo þar á milli, þau rými þjóna líka sem shortcuts á milli bókasvæða.

sumar og sol

2007-06-13T14:14:00.000-07:00

Komin tími til að endurlífga bloggið okkar við.

Ég ætla ekki að segja frá öllu sem hefur gerst frá síðasta bloggi en í stuttu máli hefur þessi önn bara flogið í burtu.
Skólinn var alveg crazy og maður alltaf í kappi við tímann. Ég var að klára studíóið í gær... hélt þessi dagur mundi aldrei renna upp en jú þetta er loksins búið og gékk bara vel. Enn eru eftir nokkur próf og ritgerð og deili teikningar, klára önnina semsagt 3. júlí en þetta erfiðasta er yfirstaðið. Get eiginlega líkt studíóinu við fangelsisvist, þótt ég hafi nú reyndar aldrei setið inni, þetta var þvílíkur þrældómur og maður ekki í neinu sambandi við umheiminn. Nóg um skólann...

Mamma fór í dag heim ásamt vinkonu sinni henni Björgu, mamma búin að vera hérna í tæpan mánuð, algjör bjarvættur þegar stressið í skólanum er komin í top að hafa hana og svo var Laula með henni fyrstu vikuna sem var æði og svo Björg vinkona hennar síðustu vikuna sem var líka algjört æði. TAKK TAKK TAKK TAKK TAKK

Kári líka alltaf á fullu í sínum verkefnum. Hann vann t.d. verkefni fyrir google um daginn sem núna er komin út. Það eru emoticons eða broskallarnir sem maður notar í google talk,
http://blog.outer-court.com/archive/2007-05-25-n61.html

Styrmir alltaf sami stuðboltinn, orðin ótrúlega stór. Í augnablikinu er hann með þvílíkt superman og spiderman æði að það er engu líkt og það er svo finndið hvað hann lifir sig inní hlutverkin, hangir á húsgögnum og þykist vera spiderman, kann semsagt alla taktana og með hljóðin á hreinu líka. Svo eru dýrin alltaf í miklu uppáhaldi og ekki síst núna í sumar þegar froskarnir koma hoppandi yfir garðinn okkar og allskonar skemmtilegar pöddur og dýr.

Sumarið hérna í Hollandi er búið að vera æðislegt, sól og hiti nánast upp á hvern dag ummmm æði. Vona að það haldi svona áfram þar sem ég get farið að sitja úti loksins og virkilega njóta þess. Frábært að vera með garðinn núna, hann er alveg mátulega stór, ekki of mikið vesen að sjá um hann, meira bara njóta hans.
Jæja læt þetta duga í kvöld sem byrjun á nýju bloggtímabili.

GLEÐILEGT AR OG TAKK FYRIR ÞAÐ GAMLA !

2007-01-17T02:10:00.000-08:00

Ég veit ekki alveg hvar á að byrja, það er svo langt síðan ég hef skrifað.

Áttum æðisleg jól heima á Íslandi. Gistum hjá mömmu og vorum svo hjá Villa og Benný á aðfangadag, fengum rjúpur og allt með því og Kári fékk berjalambalæri. Svo á jóladag vorum við hjá tengdamömmu og áttum breskt jól með kalkún og tilheyrandi, á annan var boð hjá pabba og Agnesi um daginn með allskonar kræsingum og svo afmælisveisla hjá mömmu um kvöldið. Prógrammið var því ansi þétt. Svo milli jóla og nýárs fórum við í boð til tengdapabba og Guðrúnar. Á gamlárs vorum við hjá mömmu með Villa og fjölskyldu, fengum fylltar svínalundir með mömmusósu sem var bara geggjað. Það var gott að sjá alla og Styrmir var svo ánægður að hitta ömmur og afa. Svo voru frændur hans Viktor og Svanur í algjöru uppáhaldi. Honum fór mikið fram í íslenskunni og sogaði í sig all sem Viktor og Svanur sögðu og bara allir. MIKIÐ BORÐAÐ af æðislegum íslenskum mat ummmmmmm,.
Þetta var samt ekki venjulegt jólafrí þar sem ég þurfti að læra rosa mikið og þurfti að skila studioverkefninu og ritgerð eftir fríið. Ég kláraði kynninguna í gær, það gékk rosalega vel. Góð tilfinning að enda önnina vel, því hún hefur verið ansi "bumpy". Þá er þessi geðveiki búin í bili og smá normal líf frammundan. Kári búin að vera ótrúlega þolinmóður og skilningsríkur gagnvart þessu lærdómsbrjálaði mínu, er samt búin að lofa að næsta önn verði ekki alveg eins klikkuð. Núna þarf ég bara að skrifa tvær ritgerðir og svo er ég komin í VIKU FRÍ þar til næsta önn byrjar. Það er svo týpískt að akkúrat þá vikuna er Kári að fara á leikfangasýningu í Þýskalandi svo að við Styrmir ætlum að koma aftur heim til Íslands og í þetta skipti að hitta fólk og hafa gaman. Una er einmitt að fara heim þessa sömu viku svo við verðum samfó.
Kári er á fullu að undirbúa gögn fyrir þessa sýningu í Þýskalandi því fyrirtækið sem hann vinnur fyrir (MIND) verður með stóran bás á sýningunni.
Styrmir er byrjaður í aðlögun á stóru deildinni í leikskólanum, honum finnst það mjög spennandi. Hann er búin að vera með íslensku jólalögin á heilanum síðan í byrjun des. en er núna farin að söngla á hollensku eitthvað fiskalag sem ég skil samt ekki.

Verð nú duglegri að skrifa á næstunni.

Sprotadagatalið 2006

2006-12-04T04:09:00.000-08:00

Mikið að gera hjá mér að venju, en alltaf sérlega mikið fyrir jólin.
Kíkið á www.sproti.is þar er komið Jóladagatal Sprotanna.
Ég teiknaði og Felix Bergsson skrifaði.
Veðrið hér er milt og gott, engin snjór reyndar.

veikindi, jolin og skolinn...

2006-11-30T00:19:00.000-08:00

Það er svo brjálað að gera að það er ekki mikill tími
þessa dagana fyrir bloggið. Við erum líka öll búin að
liggja í veikindum. Fyrst Styrmir og svo tókum við Kári
við af honum um helgina síðustu.
Styrmir fór svo aftur í leikskólann á þriðjudaginn
og var ekkert smá glaður með það eftir alla inniveruna,
en svo er hann greyið kominn með hita núna.
Það væri ekki slæmt að hafa ömmur og afa núna til að leita til....

Skólinn gengur samt bara ágætlega,
þetta er bara alveg klikkuð keyrsla. Svo er studioverkefið
mjög ólíkt því sem maður er vanur. Aðaláheyrslan er á að
geta þróað arkitektúr útfrá abstract (Rhino) 3D surface
modelstudium sem við höfum verið að gera.
Þetta snýst um að hugsa útfrá öðrum formum en maður
er vanur (kassa, hring og þríhyrning) og að 3D æfingarnar
eiga að gefa manni ný form til að vinna með í arkitektúr
sem maður gæti líklega ekki hafað séð sjálfur.
ÉG ER ORÐIN ROSA ROSA GÓÐ Í RHINO.
Veit að þetta hljómar ótrúlega, en það er alveg satt.
Málið er ekki bara að geta gert eitthvað í forritinu heldur
höfum við verið að læra að analysa útkomuna. Erum ekki að
nota þetta fyrir fansy renderingar heldur sem eitt tækið í
viðbót viðskissur og módel. Þetta studio snýst því mikið um
Rhinoið og líka DIAGRÖM. Þótt það sé langt liðið á studioið
er ég ekki enn farin að gera venjuleg plön eða sneiðingar,
er enn að gera diagröm með flæði, performance og fleira.
Svo í Theory tímunum, sem við voru fyrir midterm að lesa og lesa,
aðallega heimspeki eins og Heidegger, Deleuze, Latour og fleiri.
Núna erum við að vinna verkefni útfrá textanum. Við veljum okkur
keyword í hverri viku til að vinna með og eigum að skila af okkur
texta og hlut útfrá þessu orði. Ef textinn er tekinn einhverstaðar
frá þarf hluturinn að vera okkar hugmynd og öfugt.
Við verðum líka að geta tengt hlutinn við arkitektúr.
Þessi æfing er skemmtileg en ótrúlega tímafrek.
Þetta eru 5 æfingar sem við gerum svona
og á endaum gerum við ritgerð útfrá þessum æfingum.
Jæja, nóg í bili um skólann.
Okkur hlakkar svo rosalega mikið til að koma heim um jólin,
komum á reyndar ekki fyrr en 23.12 en þá komum við bara beint í jólin.
Erum að reyna að kenna Styrmir um íslensku jólasveinana og
TAKK MAMMA, spólann er æði sem þú sendi, Styrmir elskar hana.
Syngur og dansar með jólasveinunum.
En málið er að jólasveininn hér í Hollandi er allt öðruvísi.
Þetta er eiginlega bara djók, og jólasveinninn á afmæli núna 05.12 og
þá fá allir pakkana sína.....ENGIR PAKKAR Á JÓLUNUM.

Veturinn er EKKI komin hingan, enn bara ágætis haustveður.
Erum alveg að elska að nota hjólin, sakna bílsins ekkert...nema
kannski stundum vildi maður fara í bíltúr eða eitthvað smá skrepp,
en það er mjög sjaldan. Það er svo gott að fá frískt loft og
smá hreyfingu þegar maður er alltaf inni við tölvuna.
Held ég segi þetta bara gott núna, er farið að bulla og bulla,
Við Styrmir erum að hafa það kósý hérna uppí rúmi að horfa á video.

Park De Hoge Veluwe

2006-11-07T12:28:00.000-08:00

Síðasta laugardag tókum við bílaleigubíl og fórum í Þjóðgarð sem heitir Park De Hoge Veluwe. Una "frænka" kom með okkur og við áttum æðislegan dag í skóginum. Þeir sem koma í heimsókn til okkar eiga örugglega eftir að heimsækja þennan stað. Styrmir var í skýjunum, gat hlaupið frjáls allan daginn. Innan garðsins er listasafn og skúlptúrar úti í garðinum. Við snæddum dýrindis mat undir beru lofti og nutum náttúrunnar og góða veðursins. Hér koma nokkrar myndir úr ferðinni.

Siðasta helgi

2006-11-02T00:12:00.000-08:00

Nokkrar myndir úr bæjarferð um síðustu helgi, það er búið að vera frekar íslenskt veður hérna síðustu daga, rok og rigning.

Midterm presentation

2006-10-31T13:18:00.000-08:00

þetta er búin að vera langur dagur, presentation fram á kvöld, mikið talað og mikið gagnrýnt... eins og ég bjóst við.
Enginn var neitt að brillera á kynningunni. Okkur Jönu gékk svona sæmilega, fólkið var að kaupa conseptið en kom aftur á móti með spurningar varðandi það sem við vorum ekki búnar að spá í. Vorum ekki enn komnar nægilega djúpt inní verkefnið. Allavega fengum við góð comment til að halda áfram með.
Nú get ég farið að sinna fjölskyldunni, strákarnir mínir hafa alveg setið á hakanum síðustu daga og sá stutti lætur mig alveg vita af því :-)
Erum að spá í að kíkja til Amsterdam um næstu helgi, jafnvel gista þar eina nótt. Við höfum ekkert farið þangað síðan við fluttum. Ætlum allavega að vera í fríi og gera eitthvað skemmtilegt.

Styrmir i morgun

2006-10-26T00:48:00.000-07:00

Styrmir að undirbúa sig fyrir leikskólann. Er að vígja fínu peysuna sem Guðrún amma prjónaði.

Polderlandslag

2006-10-25T12:55:00.000-07:00

úffff maður er alveg farin að þrá að sjá smá landslag, þetta flatlendi hérna er nú alveg fyndið, reyndar er þetta eiginlega rosalega ótrúlegt. Hvernig Hollendingar fara að því að nýta landið metrum undir sjávarmáli. Ég er einmitt búin að vera að stúdera þetta aðeins í skólanum þar sem lóðin okkar er nokkrum metrum undir sjávarmáli. Þetta kallast Polderlandslag, þar sem þeir mynda sýki og þetta er allt stjórnað af mikilli tækni. Ég ætla að skella nokkrum myndum um þetta mál svona til fróðleiks. Að mínu mati eru sýkin einmitt landslag Hollendinga.

Það verður sko gott að koma heim um jólin og sjá fjöllin. Einn kennarinn minn kom til Íslands í fyrra og lýsti landinu sem "einu stóru partýi af náttúru".

Annars er bara allt á fullu eins og venjulega hjá okkur í Zuidpoldersingel. Ég að keppast við tímann að ná sem lengst með verkefnið fyrir mid term presentationið sem er næsta þriðjudag. Það verða 12 kennarar viðstaddir (umm aðeins) maður verður þokkalega hakkaður í spað. Reyndar er ég alveg frekar jákvæð í augnablikinu, verkefnið farið að fá smá mynd á sig og rannsóknarvinnan farin að skila sér.
Styrmir komin með kærustu... nei kannski ekki alveg en allavega með eina píu á heilanum sem heitir Nína og er í leikskólanum með honum. Hún er lítil og ljóshærð voða sæt, vonum samt að þetta sé nú ekkert alvarlegt.
Kári komin með hlaupaæði, ég gaf honum nefnilega hlaupaskó í afmælisgjöf sem eru með microchip í botninu sem gefur merki í ipodinn hans og segir honum alls konar upplýsingar, eins konar hlaupaþjálfari... segir hvað hann er að hlaupa langt og brennir miklu og svoleiðis. Hann er auðvitað algjör fíkill á svona nýja tækni og er alveg að fíla þetta.
Jæja, látum þetta duga í kvöld, skrifa örugglega ekkert fyrr en eftir þetta blessaða mid term.
Enda þetta með myndum af miðbænum í Delft

Kisinn er okominn...

2006-10-18T00:58:00.000-07:00

Jagúar er enn ófundinn, við þóttumst heyra í honum í gærkvöldi og fórum á stjá að leita en hann sást hvergi.
Styrmir farinn að leika jólasveininn, segir hó hó hó með djúpri röddu. Undirbúningur jólanna er farinn að sjást hérna og hollenski jólasveinninn kemur snemma á stjá. Þarf að kynna mér betur hans sögu því hún er auðvitað allt öðruvísi en sú íslenska.
Skólinn alveg á milljón. Ég er að skila fyrsta uppkasti á morgun af fyrstu ritgerðinni minni ( fyrstu af fjórum á þessari önn).
Efnið á að fjalla um borgir og hvað mótar þær og ég er að skoða það útfrá rýmum þar sem fólk kemur saman "gatherings" fer aðeins í staði á Íslandi eins og Þingvelli og náttúrulega mótaða staði en mun aðallega fjalla um Reykjavík út frá þessu efni.
Svo er Studioið auðvitað aðal vinnan. Það er nú búið að vera mikill rússibani hingað til, en held það sé allt að stefna rétta leið. Ég er að vinna það með þýskri stelpu. Midt term er eftir 2 vikur og þá munum við halda kynningu á verkefninu sem verður þá hálfnað en höldum svo áfram með það fram í janúar. Þetta er stórt verkefni á urban skala og við þurfum að búa til prógrammið sjálfar en þar þarf samt að vera flugvöllur, hótel og conference center.
Kári er að vinna á fullu og er líka farinn að experimenta með nýja stíla, læt eina nýja mynd sem hann gerði í gærkvöldi fylgja með hérna.

nokkrar myndir af ibuðinni

2006-10-18T00:53:00.000-07:00

09.10.2006

2006-10-09T13:22:00.000-07:00

hann á afmæli í dag, hann á afmæli í dag, hann á afmæli hann Kári, hann á afmæli í dag.

Kallinn orðin 30 ára. Við vorum nú samt ekki með veislu eða neitt, keyptum köku í bakaríinu
í dag og fórum í smá hjólatúr. Við gerum eitthvað þegar betur stendur á, allt á fullu núna í skólanum
og vinnunni.
Erum reyndar í smá sjokki...Jagúar hefur átt erfitt með að aðlagast hérna, við getum ekki hleypt honum út á kvöldin og nóttinni eins og hann vill. Kári fékk hann svo til að fara út í garð í dag, nema að hann stökk uppá girðinguna og hvarf svo. Er ekki enn komin heim, við búin að leita og leita en sjáum hann hvergi. Kannski er hann bara að skoða sig um og kemur svo þegar hann verður svangur...

Delfgauw

2006-10-06T15:50:00.000-07:00

Jæja, þá byrjum við...

Við erum búin að koma okkur vel fyrir hérna í Delfgauw, erum rosalega ánægð með íbúðina, hverfið og grannana. Þeir reyndumst okkur vel þegar við fluttum, enda þurftum við að bíða eftir búslóðinni í 3 vikur. Þetta var hálfgerð útileiga inni,þar sem grannarnir voru búnir að lána okkur útileiguhúsgögnin sín. Nú er allt dótið komið, við með hjól og Styrmir búin að fá "auto" eins og hann kallar það. Allir komnir í rútinu. Styrmir er alveg alsæll á Plukkebol leikskólanum sínum, búinn að eignast vini og meira að segja farinn að tala hollensku. Læt nokkrar myndir fylgja með.

autoinn hans Styrmis

útsýni úr vinnustofu